Нұр-Сұлтан қаласының Жастар саясаты мәселелері басқармасы «Антикор» орталығымен бірлесіп, Жастар арасында жемқорлыққа қарсы мәдениетті қалыптастыруға бағытталған жобалар байқауының басталғаны туралы хабарлайды.

Мақсаты:

- жастарды патриоттық рухта және жемқорлықтан бас тартуға тәрбиелеу;

- жастардың сыбайлас жемқорлыққа қарсы көзқарасын қалыптастыру, құқықтық мәртебесі мен құқықтық мәдениет деңгейін көтеру.

Байқаудың шарттары:

• Байқауға елордалық жоғары оқу орындарында үздік деп танылған жоба иелері шақырылады.
• Жоба электронды түрде электронды поштаға konkursproektovantikor@yandex.kz («Жобалар байқауы» деген тақырыпшамен) жіберіледі. Қосымша ақпарат алу үшін келесі байланыс телефондарына хабарласуға болады: 55-67-05, 87026577890, 87022158406.
• Байқаудың ұйымдастырушылары белгіленген мерзімнен кеш келген жұмыстарды және тақырыпқа сай емес жұмыстарды қабылдамауға құқылы.
• Әрбір университеттен үздік деп танылған тек бір ғана жұмыс қабылданады.
• Байқауды ұйымдастырушы байқау жеңімпаздарының жұмыстарын іс-шараларды ұйымдастыру және өткізу кезінде пайдалануға құқылы.

Байқаудың өткізу мерзімі:

Байқау жұмыстарын қабылдау – 2021 жылғы 10-21 қараша аралығы.

Қатысушылардың комиссия мүшелері алдында өз жобасын қорғауы, байқау қорытындысын шығару және жеңімпаздарды марапаттау – 2021 жылғы 25 қараша.

Байқауды өткізу үшін төрағадан және комиссия мүшелерінен тұратын байқау комиссиясы құрылады.

Комиссия конкурстың жеңімпаздарын Конкурсқа қатысушылардың ұсынған материалдарын қарау нәтижелері бойынша анықтайды.

Жеңімпаздар Комиссия мүшелері белгілеген 1-ден 10-ға дейінгі ұпайлардың негізінде келесідей критерийлермен анықталады:

1) конкурстық тақырыпты ашу деңгейі;

2) анық және негізделген авторлық ұстаным;

3) тұжырымдардың ерекшелігі мен тәуелсіздігі;

4) мәтіннің тұтастығы мен дәйектілігі.

Жеңімпаз ретінде ең жоғары балл алған конкурстық жұмыс танылады.

Теңдей ұпай алған жағдайда Комиссия төрағасының дауысы шешуші рөл атқарады.