Сәуір болмай - тәуір болмас
Астанада
көктем сәуір айының ортасында толық күшіне енуі ықтимал. Осы кезде қар түгелдей
еріп, сынап бағаны 20 градус жылылыққа дейін көтеріледі. Бұл туралы astana.kz сайтына «Қазгидромет» РМК мәлім
етті.
Оған дейін күндіз еріп, түнде қатқан ауа температурасы құбылмалы күйде болады. Наурыз айының соңы мен сәуірдің басында елордада Еуропалық антициклон әсері суық желге ұласады. Батыстан соққан самал екпіні шығысқа қарай республиканың барлық аймақтарын қамтиды.
31 наурыз күні күн суық болады. Қар аралас жаңбыр жауады. Жылдамдығы секундына 9-14 метр жел тұруы мүмкін. Сәуірдің алғашқы күндері ауа температурасы түнде -5-10 градус суық, ал күндіз 0+5 градус жылы.
Синоптиктердің болжауынша, 4 сәуірден бастап күн жылына бастайды. Ай ортасына таман сынап бағанасы +20+25 градусқа дейін көтеріледі. Дегенмен, сәуір айы өтпелі кезең болғандықтан, ауа-райы құбылып тұрады. Айдың соңғы он күнінде күн күрт суытуы мүмкін.
Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://109.astana.kz
