Алматы ауданының 17 тұрғын үй нысанында күрделі жөндеу жоспарланған
2013 жылы Алматы ауданның әкімдігі
тұрғын үй жағдайын жақсарту жөнінде бірқатар іс-шараларды жоспарлаған. Бұл
туралы astana.kz сайтына Алматы ауданының
әкімдігінен мәлім етті.
Айту керек, ауданда «ТКШ жаңғырту» бағдарламасы бойынша жөндеу жұмыстары үш жыл қатарынан жүргізілуде. Тұрғын үй кешендері мен жатақхана тұрғындарынан мақсатты қаржы жиналғаннан кейін күрделі жөндеу жұмыстары ұйымдастырылады. Соның арқасында 2011 жылы 6 ғимарат жөнделіп, 2012 жылы 11 үй жаңаланды. Ал биылғы жылы 17 нысанды жөндеу жоспарлануда.
Сонымен қатар, аулалар мен үйлердің кіреберістерінде тәртіп пен тазалықты сақтау үшін әкімдік ПИК-термен бірлесіп бейнебақылау қондырғысын орнатуда. Атап айтқанда, 2011 жылы 47 аулаға камера қойылса, 2012 жылы 56 камера қойылды. 2013 жылы 100-ден астам камера қою жоспарлануда.
Алматы әкімдігі атап көрсеткеніндей, көптеген тұрғындар бұл іс-шараға оң қарап, камера орнатуға келісімдерін береді. Бейнебақылау үй иелерінің қауіпсіздігін қамтамасыз етіп, өздеріне сенімді болудың кепілі екені сөзсіз.
Бұдан басқа, әкімдіктен хабарлағанындай, азаматтардың қауіпсіздігі мен қорғанысы үшін үйлер есігінің 90%-дан астамына домофондар қойылған.
Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://109.astana.kz
