Пригородный кентіндегі жаңа балабақша жұмысын сәуір айында бастайды

Пригородный кентінде екі қабатты жаңа балабақша жақында ашылып, алғашқы бүлдіршіндерін қабылдай бастайды. Ол «Балапан» бағдарламасы бойынша салынған.

Пригородный кентінде екі қабатты жаңа балабақша жақында ашылып, алғашқы бүлдіршіндерін қабылдай бастайды. Ол «Балапан» бағдарламасы бойынша салынған. 

Балабақша директоры  Бақыт Майлыбаеваның айтуынша, мектепке дейінгі мекеме негізінен ресми түрде наурыз айының басында ашылған. Алайда, келісі айдың басынан бастап толық жұмыс істейтін болады.

Қазір топ түгелдей жасақталып болды. Бірінші кезекте оған  ата-аналары 2013 жылға дейін кезекке қойған 2010 жылы дүниеге келген бүлдіршіндер ілікті. Өтімдер Пригородный ауылында,  осы маңдағы саяжай алабында тұратын ата-аналардан алынғанымен, елорданың сол жағалауынан келетін сәбилер де бар. Балабақшада көпбалалы отбасылар мен мүгедек жандардың да балалары тәрбиленетін болады. 

Балабақша тәрбиеленушілері 12 топқа бөлінеді. Әр топта 25 баладан бар. Оларға арналып, қазір 280 төсек дайындалып қойылды.  Ғимараттың көп бөлігіне  6  бірінші кіші топ жайғасады. Олар бірінші қабатты толығымен алып отыр.

 Балабақша қазақ тілді болғанына қарамастан, кей ата-аналардың өтініштері бойынша мекемеде 3 орыс тілді: орта, ересектер және дайындық топтарын ашу жоспарланып отыр.

Мекеме басшылығының хабарлауынша, қызметкерлер жұмысқа қабылданды. Олардың арасында жоғары санатты әдіскерлер, дәрігер, дене тәрбиесі мұғалімі. Қазір үйірме мамандары, логопед және хореограф жұмысқа алынып жатыр. Алдағы уақытта балабақшада спорт скецияларын ашу жоспарланған, бұл үшін ғимаратта үлкен мәжіліс залы және 3 спорт зал бар.

Қазіргі кезде балабақшада жұмыстардың соңғы кезеңі жүріп жатыр: шағын сәулет құрылыстары, төбешіктер және сарайлар орнатылып, асхана және медицина блогын жабдықтау кезеңі аяқталуға жақын.