Астаналық мектеп оқушылары республикалық олимпиадада үздік шықты

2013 жылдың 25-і мен 30-шы наурызы аралығында «Дарын» республикалық ғылыми-тәжірибелік орталығының ұйымдастыруымен қоғамдық-гуманитарлық бағыттағы жалпы білім беруден мектеп оқушыларының республикалық олимпиадасының ІV кезеңі өтті Қала мектептерінен олимпиадаға 41 оқушы қатысты.

2013 жылдың 25-і мен 30-шы наурызы аралығында «Дарын» республикалық ғылыми-тәжірибелік орталығының ұйымдастыруымен қоғамдық-гуманитарлық бағыттағы жалпы білім беруден мектеп оқушыларының республикалық олимпиадасының ІV кезеңі өтті.  Қала мектептерінен олимпиадаға 41 оқушы қатысты.  

 Аstana.kz сайтына  «Астана дарыны» орталығынан хабарлағанындай, Олимпиада нәтижесінде Астана командасы жалпыкомандалық есепте І орынға шығып, «Үздік команда - 2013» атағын иеленді. Жүлдегер болып  27 оқушы танылды. «І орын - 4 оқушы, ІІ орын - 8 оқушы, ІІІ орын - 15 оқушы», - делінген хабарламада.

Еске салайық, қоғамдық-гуманитарлық бағыттағы жалпы білім беруден мектеп оқушыларының республикалық олимпиадасы Қазақстанда 15 пән бойынша өткізіледі. Негізгі мақсаты дарынды балаларды анықтап, олардың болашағына бағыт-бағдар сілтеу.  

Олимпиада ережесіне сәйкес төрт кезеңде өтеді:

1) бірінші кезең - мектептік;

2) екінші кезең  - аудандық (қалалық);

3) үшінші кезең - облыстық (Алматы  Астана қалалары олимпиадалары, сондай-ақ републикалық дәрежедегі мектептер облыстық олимпиада мәртебесіне теңеседі);

4) төртінші кезең - республикалық.

Республикалық олимпиада жүлдегерлері пән қазылары алқасының шешімі бойынша I, II, III дипломдармен, әрбір пән және сынып бойынша грамоталармен марапатталып, арнайы бағалы сыйлықтарға ие болады.