Елорданың санитарлық дәрігері шұғыл түрде вакцинациядан және ревакцинациядан өтуге шақырды

Елорданың бас санитарлық дәрігері Сархат Бейсенова эпидемиологиялық жағдайдың нашарлауына байланысты қала тұрғындарына үндеу жолдады.

Бүгін елорда әкімі А.Көлгінов, Денсаулық сақтау министрі А. Ғиният, Денсаулық сақтау басқармасы, емханалар мен инфекциялық стационарлар басшыларының қатысуымен эпидемиологиялық ахуал мәселелері бойынша қалалық штаб отырысы өтті. Коронавирустық инфекцияның таралуына жол бермеу бойынша негізгі мәселелер қозғалды.

Сархат Бейсенова елордада контагиозды "Омикрон" штамы анықталғанын еске салды.

«Қаланың бір тұрғынынан "Омикрон" штамы анықталды, бұл инфекцияның қаупін көрсетеді. Инфекция өте қауіпті, тәулігіне 5,5 мыңнан астам жағдай тіркелді! Өсім шамамен 7 есе! Инфекциялық төсектердің толуы 70%-ға жетті. Мұның бәрі кейбір тұрғындардың маска режимін, әлеуметтік қашықтықты сақтамауы, вакцинацияны/ревакцинацияны ескермеуі себепті, бұл қала аумағында "Омикрон" контагиозды штамының тез таралуына әсер етеді», – деп атап өтті С. Бейсенова.

Санитарлық дәрігер инфекциядан сақтану үшін шұғыл түрде вакцинациялауға/ревакцинациядан өтуге шақырды.

«Қала тұрғындарын вакцинациялауға және уақыты келгендерді ревакцинациядан өтуге шақырамын. Ұжымдар да ревакцинациядан өтуі керек! Әлем бойынша мамандар мен ғалымдар екпе коронавирутың алдын алуға болатыны, ал инфекцияны жұқтырған жағдайда жеңіл өткеретінін мойындады. Тек вакцинация арқылы біз пандемиядан құтыламыз! Денсаулығыңызды қорғау және күшейту тек өзіңізге байланысты екенін есте сақтаңыз!» – деп атап өтті ол.

Сондай-ақ, Бейсенова қалада вакцинацияланғандар бойынша статистиканы мысалға келтірді және осы мәселеде өзінің жауапкершілік танытқан азаматтарға алғысын білдірді.

«Бүгінгі күні қала бойынша бірінші компонентпен 501 мыңнан астам адам егілді. Халықтың 70%-дан астамы толық иммундаудан өтті. Бірақ ревакцинация туралы да ұмытпау керек. Тек вакцинация арқылы біз пандемияны жеңе аламыз. Әрбір тұрғын инфекциядан тек вакцинация арқылы ғана шығуға болатындығын түсінуі керек», - деп қорытындылады Сархат Бейсенова.

Фото: Александр Куприенко