Елорданың волонтерлері жалғыз тұратын зейнеткерлердің ауласының қарын күреді
Соңғы күндері елордада қар көп жауды. Осыған байланысты «Астана жастары» КММ волонтерлері қаланың Жастар саясаты мәселелері басқармасымен бірге жалғыз тұратын зейнеткерлерің ауласының қарын тазалауға көмектесті, деп хабарлайды Нұр-Сұлтан әкімдігінің ресми сайты.
Қардың мол түсуіне байланысты қала әкімдігінің «Астана жастары» КММ еріктілері Нұр-Сұлтан қаласының жастар саясаты мәселелері басқармасымен бірлесіп зейнеткерлердің ауласының қарын тазалауға көмек көрсетті.
Еріктілер қолдарына күрек алып, ауласының қарын тазалап, жолын тазартты. Басты мақсат – елордамыз бен тұрғындары үшін игі іс жасау.
Еріктілердің көмегі әрқашан қарт азаматтардың көңіл-күйін көтереді, келер күніне деген сенімділігін оятады, тіпті рухани күш береді. Сол сияқты үлкен кісілерге көмек көрсету жастардың мейірімділігін күшейтуге ықпал етеді.
Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://109.astana.kz
