1725

Біз өз денсаулығымызға ғана жауапты емеспіз: елордалық спортшылар азаматтарды ревакцинациядан өтуге шақырды

Елорда спортшылары коронавирусқа қарсы ревакцинациядан белсенді өтуде. Бүгін олардың бір бөлігі «Абу Даби Плаза» СОО-да орналасқан екпе пунктінде қайта вакцина алды, деп хабарлайды қала әкімдігінің ресми сайты.

«Елдегі эпидемиологиялық жағдайға байланысты елордалық спортшылар ревакцинациядан өту үшін келді. Үшінші вакцинация коронавирустың ауыр түрінен қорғап қана қоймайды, бұл сондай-ақ халықаралық жарыстарға қатысатын спортшылар үшін басты талаптардың бірі болып саналады. Қазақстан құрамасы да 100% вакцинацияланды. Осы құраммен олар 4-20 ақпан аралығында өтетін Бейжіңдегі Олимпиадаға жолдама алды. Мен де өзім және отбасым, туыстарым үшін ревакцинациядан өттім», - деді ҚР Мәдениет және спорт министрлігі Спорт және дене шынықтыру істері комитетінің төрағасы Самат Ерғалиев.

Айта кету керек, ұлттық құрамалардың спортшылары толығымен, оның ішінде елордалық спортшылар былтыр коронавирусқа қарсы вакцинациядан өткен болатын. Өткен жылғыдай қазір де олар қазақстандықтарды денсаулығын қорғап, елдегі эпидемиологиялық ахуалды тұрақтандыру үшін ревакцинациядан өтуге шақырады.

«Ревакцинация ең алдымен өз денсаулығым үшін қажет. Спортшы болғандықтан күнделікті жаттығулар, түрлі деңгейдегі жарыстар біз үшін өте маңызды. Мен үнемі жаттығу жасап, оқу-жаттығу жиындарына қатысамын, сондықтан денсаулығымды сақтау әрі шетелдегі халықаралық жарыстарда еліміздің намысын қорғау үшін ревакцинация қажет. Біз өз денсаулығымыз үшін ғана емес, жақындарымыздың денсаулығы үшін де жауаптымыз», - деді жүзуден халықаралық дәрежедегі спорт шебері Әділбек Мусин.

«Бірінші кезекте өзіңе ғана емес, айналаңдағыларға да, отбасыңа да қамқорлық жасау керек. Спортшы болғандықтан және шетелдегі жарыстарға жиі баратындықтан екпе алғанымыз туралы құжат ұсынуымыз керек. Бұл біздің қауіпсіздігіміз үшін де қажет», - деп атап өтті джиу-джитсудан ұлттық құраманың мүшесі Галина Дуванова.

Байдаркада және каноэде есуден спортшы Ануар Акчурин қазақстандықтарды вакцинациядан және ревакцинациядан өтуге шақырды:

«Тегін ревакцинациялау мүмкіндігін жасағаны үшін мемлекетке алғыс айтамын. Коронавирус пандемиясын жеңуге көмектесу үшін вакцинациядан, ревакцинациядан өтуге шақырамын».

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://109.astana.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109