Жүкті әйелдердің сақтық шараларын сақтауы маңызды – дәрігерлер КВИ туралы

Жүктілік кезінде өзіңізді КВИ және басқа да вирустардан қалай қорғауға болады? Бұл туралы №1 қалалық аурухана мамандарды түсіндіріп берді, деп хабарлайды елорда әкімдігінің ресми сайты «Вечерняя Астана» басылымына сілтеме жасап.

Жүктілік – қуаныш пен үмітке толы ерекше уақыт, алайда коронавирустық инфекцияға байланысты құрсағында сәбиін көтеріп жүрген болашақ аналар үшін қорқынышты, алаңдаушылық тудыратын кезең.

Елорданың №1 Көпбейінді қалалық ауруханасы болашақ аналарға КВИ кезінде сақтық шаралары туралы ұсыныстар береді.

Әлеуметтік қашықтық жөнінде жалпы медициналық кеңестерді сақтау керек. Қоғамдық орындардан аулақ болған абзал және жедел респираторлық инфекцияның белгілері бар адамның маңына жоламаған жөн. Егер сіз жүктіліктің үштен бір бөлігінен өткен болсаңыз (28 аптадан астам), әлеуметтік қашықтыққа ерекше назар аударып, өзгелермен тікелей қарым-қатынасыңызды азайтуыңыз керек.

Зерттеу нәтижелері көрсеткендей, жүкті әйелдерде өзге адамдар секілді COVID-19 жұқтыру қаупі жоғары емес. Алайда ағзадағы және иммундық жүйедегі өзгерістерге байланысты жүктіліктің соңғы айларында әйелдерге кейбір респираторлық инфекциялар қиындық тудыруы мүмкін, сондықтан олар үшін сақтық шараларын сақтау маңызды.

«Жүкті әйелдер үшін өте қиын кезеңдер – олар өзіне және сәбиіне қамқорлық жасайды, бірақ өзге адамдарға қарағанда оларға қауіп төнбейді. Сол себепті өзгелер секілді карантиндік шаралар қабылдау ұсынылады», - деді аурухана.