«Қару-2013» іс-шарасында заңсыз сақталған 32 қару тәркіленді
Елорда аумағында «Қару-2013» шұғыл алдын алу іс-шарасы өткізілді, - деп хабарлайды қалалық ІІД баспасөз қызметі.
Ведомстводан хабарлағанындай, іс-шара қаладағы жағдайды тұрақтандыру қылмыстың және қару-жарақ пен жарылғыш заттарды қолданумен жасалатын қылмыстардың алдын алу мақсатында өткізілуде.
Полицейлер 604 қару сақтайтын азаматты тексерді. Қорытындысында заңсыз қару-жарақ сақталған, алып жүрген және уақытында есепке қоймаған 29 факт анықталды. 25 адам әкімшілік жауапкершілікке тартылды.
ІІД мәліметі бойынша, іс-шара кезінде заңсыз сақталған 32 қару тәркіленді.
Қолданған шаралардың арқасында 4 оқты қару, 3 шолақ мылтық, 1 газбен атылатын тапаншаны заңсыз сақтау фактісі анықталып, олар айналымнан алынды.
Мәселен, «Қару-2013» іс-шарасын өткізу кезінде ІІД қызметкерлері Есіл өзенінен 1983 жылы туған М деген азаматты ұстады. Одан бұрын жоғалып кеткен 9 мм, калибрлі «МЕ» маркалы газ тапаншасы тәркіленді.
Баспасөз қызметі заңсыз қару сақтаған барлық фактілер бойынша тексеру жүргізіп, сараптау жұмыстары тағайындалғанын атап көрсетеді.
Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://109.astana.kz
